.
البـارت 2 °•
مشـرد بيـن ركـام المـنزل ☄
وساخفي كل ما اشعر به
كي لا اصبح مهزلة للناس
نزل يده لتحت الماسه عاسب ما ينتبهوا له كيف بيرتجف
أحمد: إياد لا تزعل تمام قلنا لايجي الاستاذ وهو كرها بيمغطك ما احنا داريين ليش
إياد غمض عيونه وفتحهن وبيحاول يوقف الرجفه الذي فيه: عادي عادي مابش شي
..........
وصلوا لباب القاعه وهم ميتين ضحك على اشكالهم وهم بيحملوا والكتب في ايديهم
ياسر: امانه ان اشكالنا تحفههه
محمد: قووي هيا ندخل
ياسر: تمام دخلوا والدكتور ماقد جاش وجلسوا وبيتجابروا ويضحكوا وهم بيلاحقوا نفسهم الذي انقطع وهم بيحملوا
دخل الدكتور والهدوء عم القاعه وبدا يشرح ويسال الطلاب وياسر ومحمد بيجاوبوا ويشاركوا
الدكتور: غدا ان شاء الله عننزل ونبدأ بالتشريح وما اشتي احد يغيب
.
.
دخل الاستاذ الفصل وسلم وإياد جالس بيرتجف انتبه له يونس
يونس: إياد مالك بترتجف
إياد: هاه ولاشي مابلا بين اقشط برد
يونس ضحك: برد ابسر على حماء احنا في عز الحما وتقل لي برد
إياد: هاه امدري المهم لدفى ذلحين خليني ساكت لو يبسرني الاستاذ بين اجابر لايخرجني
يونس: والله انه صدق يله خلاص اصه
وبدأوا يركزوا في الدرس وإياد بيحاول يتجاهل الرجفه عاسب تخر منه وبدا يشارك مع الاستاذ ومع الوقت ابتعدت الرجفه منه ورجعين ايديه للونهن الطبيعي بعد ما بدأ لونهن يتغير للازرق
كملين الحصص وروح كل واحد لبيته
وإياد ويونس بيخطوا جمعه وبعدا وصلوا لطريق وافترقوا
ابسر إياد ماعد بحدهو يونس وغير الطريق حق البيت
وصل للبيت او نقول الخرابه ودخل للبيت الذي عمره بالحجار الذي قد نكعين من البيت وخلاه ساع الغرفه بيدخل يرقد ويذاكر فيها غرفه يله كرها تكفيه ويرقد وهو جالس لان هي صغيره وبيغلق بنص الباب الذي باقي من البيت
طرح حقه الشنطه وخلس الزي وسار للجامع الذي قريب منه ودخل يتوضا ويصلي
كمل وقري له قران وقام شرب ماء من الجامع وخرج وهو بيدعي الله انه يسخر له لجع لقمه قدهو جاوع وبيحس بالسومه
...........
محمد: اووف غطوه عيكون اكشن خاصه عند البنات الشخطات
ياسر وهو بيضحك: والله صدق يااخي مش داري ليش يدخلين طب خاصه انهن جبانات
محمد: امدرري يله بكم نضحك غطوة
ياسر: ايوه يله اشتي اروح البيت اتغدى قدني جاوع
محمد: وانا والكل يله خاطرك
ياسر: مع السلامه
..........
روح للبيت حقه او الخرابه
إياد: اح ياالله الله يصبرني بس
شل حقه الذي بيسبرهن المسابح عاسب يبيعهن لاهو عيوقع له زلط حق روتي على الاقل
خطي وقد غطى وشه باسود عاسب ما احد يعرفه من اصحابه ولا اساتذته خاصه بعد ماعرفه الاستاذ الذي بيكرهه
غمض عيونه وهو بيتذكر
إياد: اشتروا مني مسابح بميه الواحده بس بميه قوا مسبحه
ياعم اشتري مني مسبحه ابسر كيف هي حاليه
ولا احد معبر له لوما جاء لاعنده رجال فررح قوي: ياعم عتشتري مني
..... بسخريه: طلعت بتبيع مسابح وانا بين اقل من بياكلك كنت اشتيك تموت من الجوع بس يله اسكه ابسرهن
إياد بخوف بعد ماعرفه وبيرجع للخلف: مع قوا لاتفعل بي شي قد فلتك وماعد جيت لاعندك لاتفعل بي شي
الاستاذ: اسكه ماعنفعل بك شي اسكه ابسرهن
إياد مكنه وايديه بيرتجفين
الاستاذ بيبسرهن ويتفحصهن: هو هذا الذي بتبيعه هيا هه شلهن
وقطعهن وهو بيضحك وخطي
والخرز نكعين للقاع كلهن
وإياد واقف ولاقدر يفعل شي وكل خليه فيه بترتجف
وبيبسر الخرز كيف بيتطايرين في القاع
فتح عيونه بعد مابعد هذه الذكرى من عقله وخطي وهو متاكد محد عيعرفه
إياد: ياخاله اشتروا مني هذه المسبحه ابسروا ما احلاها
المره بحزن عليه: بكم هي يا ابني
إياد بفرح: بميه بس عتشتروا
المره: ايوه هاه جرها ياابني
إياد: بس ياخاله جوا معي للبقاله عاسب نصرفها مابش صرف معي
المره: جرها لك كلها اسهل
إياد: مع ياخاله مايسبرش انا بين ابيعها بميه بس
المره: شلها ياابني اعتبرها هديه
إياد بترردد
..........
*اغنياء من التعفف*